240
REGISTRES DU BUREAU
[i 563]
CCCLXXVII. — Contre les archers, arralestriers et hacquerutiers
QUI ONT LAISSÉ ALLER LES SEDITIEULX.
28 juin i563. (Fol. 202 r°.)
Du xxvine Juing vclxiii.
Au jour d'huy, au Bureau de la ville de Paris, estans deux de Messieurs du Conseil presens, a esté advisé et ordonné, pour la rébellion'1' ce jourd'huy faicte à justice par la negligence des archers, arba­lestriers et hacquebuliers qui n'ont assisté à la jus­tice et exécution ce jour d'huy ordonnée, suyvant le mandement à eux faict, que ies trois cappitaines et leurs trois clercs seront tenuz de faire ung rolle des
deffaillans de leursd, nombres, lesquelz ilz rappor­teront par escript au Bureau de la Ville; lesquelz des à present sont, chascun desd, deffaillans, con­demnez en dix livres parisis d'amende, et dès à pre­sent declairez privez de leurs estatz, jusques à ce qu'ilz ayent trouvé les séditieux el les mutins qui ont recoux les prisonniers et ceulx qui ont assisté à faire le delict, à laquelle execution d'amende sera proceddé le plus tost que faire se pourra.
CCCLXXVIII. ----- ASSEMRLÉE POUR L'iNSOLENCE FAICTE À LA JUSTICE.
29 juin i563. (Fol. 2o3 v°.)
Du mardy, xxixc jour de Juing l'an v° lxiii.
En l'Assemblée ce jour d'huy faicte de Messrs les Conseillers de la ville de Paris, à trois heures de rel-levée, a esté advisé qu'il est besoing de escripre au Roy, sy ja n'a esté faict, du discours de l'insollence qui a esté faict tant samedy que lundy dernier, à laquelle doibt estre pourveu pour satisfaire Sa Ma­jesté de avoir esté ainsy mis la main à la justice; pour à quoy satisfaire sera proceddé à l'encontre des officiers de la Ville qui se sont négligez à obeyr à assister à l'execution et justice encommencée, qui n'a peu estre parachevée pour n'avoir par les archers, harquebuziers et arbalestriers assisté, suyvant Ies commendemens à eulx faictz, lesquelz pour la faulte faicte par ceulx qui n'ont assisté au lieu et heure à eulx mandé, doibvent estre condempnez, chascun en dix livres parisis d'amende, et privez de leurs estatz et previlleges, jusques à ce qu'ilz ayent trouvé et reprins quelques ungs des séditieux qui ont troublé et forcé la justice de sorte que les condempnez ont esté raviz et recouz tant par coups de pierre, coups d'espées que plusieurs menaces faictes par les rues, et faire en sorte qu'il y en ayt quelque revelation pour en estre faict justice exemplaire. Et sera baillé le rolle desd, deffaillans aux fermiers du huictiesme
et autres qu'il appertiendra, et outre contrains par excecution et vente de leurs biens, nonobstant oppo­sition ou appellations quelquonques et sans preju­dice d'icelles, et lad. amende de dix livres parisis sans répétition, s'il n'y a toutesfois excuse legitime, dont ilz feront apparoir.
Contre les seditieulx.
Item, sera donné advis à messieurs de la Court de Parlement de ordonner estre attaché es places et marchez de ceste Ville potences, esquelles sera mis ung escriteau en grosse lettre pour les séditieux; et sera enjoinct ti tous les cappitaines et bourgeoys desd, places par cry publicq de prandre garde à ce que aucun ne mecte la main ausd, potences, ne y face aucune insollence; et où il s'en fera aucune, lesd.cappitainesetbourgeoisdel'environ desd, places en seront responsables en leurs propres et privez noms.
Item, seront faictz mandemens aux Quarteniers, depuis Chastellet jusques au lieu où a esté faicte l'insollence, qui sont Beauquesne, Perlan et Danès, de eulx transporter avecq leurs Cinquanteniers et Dixiniers en chascune maison depuis led. Chastel­let jusques au bout de la Vannerye, affin de inter-
(i) Ce nouvel acle.de rébellion se passa dans l'après-midi du lundi 28 juin; deux individus, condamnés par le Prévot de Paris à être pendus pour avoir enlevé de la potence le voleur exécuté au cimetière Saint-Jean et l'avoir trainé à travers' les rues jusqu'à ia rivière, furent arrachés de leur charrelte par le peuple qui (it pleuvoir une grêle de pierres sur les archers formant l'escorte; d'après les Mémoires du prince de Condé, p. 702, dans cette émeute, un jeune clerc de notaire fut "tué d'un coup de pistollen. Le lendemain, l'avocat général Du Mesnil supplia le Parlement -d'adviser sur les tumultes et excès qui se font journellement par le peuple, mesmes sur la rescousse des deux prisonniers que l'on menoit executer à mort, et que les officiers du Chastellet et commissaires soient mandez pour sçavoir quel debvoir et dilligence ilz ont sur ce faict». (Archives nationales, Parlement de Paris, X1* 16o5, fol. 4o3 v°.)